السلام عليكم زوار المدونه الكرام
اسرد لكم اليوم مجموعه من الطرق التى يمكنك بها استيراد السلع للاستخدام الشخصى من خارج مصر
مبدئيا .. متى تفكر ان تشترى سلعه من الخارج؟
1- اذا كان سعرها ارخص بنسبه معقوله من سعرها المحلى
2- اذا كان عليها عرض و تخفيض فى موسم معين مثل تخفيضات الجمعه السوداء
3- اذا كانت غير متواجده فى مصر و ليس لها بديل
4- اذا كانت تباع فى الخارج بجوده اعلى من جودتها داخل مصر و فارق الجوده يستحق التعب و التكلفه الاضافيه
اذا لم يكن لديك سبب وجيه من الاسباب السابقه او غيرها.. فلا تتعب نفسك فى عملية الاستيراد .
:ما ستدفعه فى حالة الاستيراد
1- ثمن السلعه (لا بد من توافر وسيلة دفع الكترونيه للشراء المباشر و لن تحتاج لها فى حال وجود وسيط للشراء)
2- ثمن الشحن (فى بعض الاحيان ينقسم الى شحن داخلى داخل البلد التى تشترى منها + شحن دولى حتى تصلك الى مصر)
3- مصاريف الجمارك المصريه (تكون نسبه مئويه محدده فى جداول على حسب الصنف المستورد تحتسب كنسبه من ثمن الشراء + الشحن)
4- ضريبة المبيعات المصريه (تحتسب كنسبه من سمن الشراء + الشحن و لها جداول ايضا على حسب الصنف المستورد و بعض السلع معفاه منها)
5- ضريبة القيمه المضافه.. لم تطبق بعد ولكن سيكون لها وزن بعد تطبيقها.
خطوات الاستيراد:
1- تحديد السلعه المراد استيرادها و البحث على المواقع عن ارخص سعر لها
2- اختيار طريقة لشراء و طرق الشراء تكون اما عن طريق الشراء المباشر او عن طريق وسيط
3- الدفع
4- التخليص الجمركى (يتم عن طريق الوسيط فى حالة وجوده)
اسهل طريقه للاستيراد و احسن و اوفر طريقه هى طبعا الاستيراد المباشر
انت تدخل على الموقع اللى عاوز تشترى منه و تشترى و تدفع على طول و تستنى لما الحاجه تيجي
معوقات الشراء المباشر:
1- لازم طريقة دفع الكترونيه مقبوله لدى المكان اللى بتشترى منه (credit card, pre paid card) ودا بتطلعه من البنك
2- لازم الموقع اللى بتشترى منه يقبل الشحن المباشر الى عنوانك فى مصر ودا غير متوفر فى بعض مواقع البيع اونلاين زى Ebay
3- هتقوم بمهام التخليص الجمركى بنفسك ولو كنت مستورد جهاز محتاج موافقات هتسعى فى موضوع الموافقات لوحدك
اما لو استوردت عن طريق وسيط هو هيدفع مكانك و هيستقبل الحاجه بتاعتك فى بلدها و يشحنهالك بمعرفته و يخلصهالك من الجمارك كمان.
و كلو بحسابه :)
بعض المواقع العالميه اللى بتدعم الشراء المباشر و الشحن لمصر:
Amazon.com امريكى
Aliexpress.com صينى
Jadopado.com اماراتى
ً
الوسطاء المتاحون فى السوق المصريه :
1- شركة ادفعلى https://www.edfa3ly.co/
2- شركة ديل جامد لينكس www.lynks.com/en
3- اشترى من امريكا shopfromusa.org
4- جيبلى دون كوم www.facebook.com/geblycom/?fref=nf
5- وي اس اى شوب www.facebook.com/USToEgypt
6- بوردر لينكس http://www.borderlinx.com/EG/bx-eg/en/
7- شوب اند شيب من ارامكس https://www.shopandship.com/
8- ماى يو اس https://www.myus.com/
الاختيارات كتير صح؟
لكن بدراسه بسيطه هتلاقى انك ممكن تستخدم اى حد من دول
الاسهل هو المواقع اللى زى ادفعى او ديل جامد و دول مجرد بتبعتلهم اللينك بتاع المنتج اللى عاوز تشتريه و تدفع و الباقى عليهم
الاصعب شويه زى شوب اند شيب لانك محتاج تعمل اكونت الاول على موقعهم و بعدين بيدولك عنوان بريد ى فى البلد اللى هتشترى منها تكتبه فى خانة العنوان وانت بتشترى المنتج و بعدين هما بيستقبلوه و يبعتوهولك.
مميزات استخدام وسيط للشراء:
1- عدم الحاجه لطريقة دفع الكترونيه لانك هتدفعله بالمصرى و هو يشترى بالنيابه عنك
2- ضمان عدم فقد المنتج فى الطريق
3- القيام بعملية التخليص الجمركى و العرض على الموافقات حال احتياجها.. زى كدا الموافقات المطلوبه لاجهزة البلوتوثو الموبايل و الادويه و العقاقير.
4- التسليم الى باب المنزل
عيوبه:
1- تكلفة العموله و تكلفة استصدار الموافقات ان وجدت
2- بطىء فى الشحن و عشان تختار شحن اسرع بتدفع اكتر
عيوب الشراء من الخارج بشكل عام:
1- الحاجه بتيجى من غير ضمان محلى و الاسترجاع و الاستبدال هيدخلك فى دوامه هتشحن فيها المنتج على حسابك للبائع و بعدين هو يشحنهولك و فيها مراسلات كتير و وقت كتير و مصاريف
2- وقت الشحن فى العاده من اسبوعين ل 6 اسابيع
لو دورت على المنتج اللى انت عاوزه و لقيته يبقا محتاج تحسب سعره النهائى لحد ما يوصلك
السعر النهائى = سعر المنتج اونلاين + مصاريف الشحن+ مصاريف الجمارك+ ضريبة المبيعات+ عمولة الوسيط ان وجدت
الجدول اللى تحت هيبينلك الجمارك و ضريبة المبيعات لبعض الفئات المشهوره:
اسعار الضرائب و الجمارك بتتغير طبق لقرارات الحكومه و الجدول دا موضح الاسعار حتى 2015
مستنى اراءكم و تعليقاتكم و اسئلتكم لو عندكم اى استفسار فى التعليقات
